أكيد العنوان هيستفزك زى ماعنوان الفيلم استفزنى!! مش كده؟
يا ريت جت على قد العنوان
ده كمان الصورة المستفزة
اللى بيقولك قال ايه بتعبر عن الرومانسية؟؟!! ماشى خليها بتعبر عن الرومانسية زى ما بيقولوا
طب و القيم والأخلاق
مين وايه اللى هيعبر عنهم؟؟
سموها رجعية وتخلف
بس اللى يغيظ ان الأخ تامر بيقول انه عايز يتجوز
آل ايه واحد متدينة............... طب ازاى؟
و يا ريت حد يقوللى هيلاقى واحد متدينة فين بعد السموم والرومانسية الكدابة اللى هو بينشرهم؟
للأسف معجبات سى تامر بيزيده
بس يا ترى فيه علاقة عكسية بين تزايد معجبات تامر
وبين انهيار القيم؟
ده أخو جعلص , بس نعكشة بتقول ان جعلص 
هناك 6 تعليقات:
الناس يا مى دايما بتأمل وجود القيم والأخلاق الحميده فى الطرف الآخر حتى ان كان الشخص نفسه مش كده
عشان كده كلام تامر طبيعى جدا
وده بيأكد قبول وفوز التدين على غيره
محمد
شكرا على المرور الجميل
وكلامك صح
بس
برده الطيبون للطيبات
والخبيثون للخبيثات
والله يا مى اول مره هختلف معاكى اختلااااف كلى وجزءى
مش علشان بحب تامر لا سمح الله انتى عارفه انها مش اخلاقى .. انما والله الفيلم مش وحش ولا الرومانسيه اللى فيه اوفر بالنسبه لافلام كتييييره تانيه بالعكس بقه انا حاسه ان الرومانسيه فيه لذيذه وخفيفه وبغض النظر عن تامر وعن اللى عمله وعن اننا بنحبه او بنكرهه فتمثيله اتغير واتحسن كتير عن سيد العاطفى
طيب عندك مثلا بنات وسط البلد فيلم زباله ومبيعبرش عن اى بنات اساسا مش وسط البلد بس
عندك الف فيلم وفيلم وحشييين وانطباع سئ عن المجتمع المصرى
انما فيلم عمروسلمى بيمثل فئه معينه من الناس اللى هما العليوى اووى
وحتى كمان وهو بيصور ناس مستواهم هاى معملش حاجه خارجه
انا شايفه ان الفيلم مش وحش لا وحلو كمااااااان جدا
على فكره انا دخلته سينما وجبته على الجهاز واتفرجت عليه فوق ال3 مرات لحد دلوقتى وعاجبنى موووووووت يا مى
معلش طولت عليكى بس اعمل ايه زعلت لما قلتى على الفيلم وحش
وكمان على فكره انا معترضه على البوستر لانه مالوش معنى مش حلو
كان ممكن اى افيش الذ من كده يأدى الغرض
مريم
مريم
أنا ماقلتش الفيلم وحش
لأنى أصلا ماشفتوش!! تصورى
لكن أنا بتكلم على الأفيش المستفز
و كمان على مواصفات فتاة أحلام تامر الأكثر استفزازا
لكن الفيلم نفسه ماقدرش أحكم وأقول حلو ولا وحش لأنى ماقدرش أقول رأيى فى حاجة ماشفتهاش
أنا بس بعترض على تأثير تامر الضار
على جيل بيقلد كل حاجة
حلوة بقى أو وحشة مش مهم
المهم يكون up to date
السلام عليكم
جزاكي الله خيرا يا مي علي زيارتك الجميلة واللي ليها مكانة خااااااصة جدا عشان انتي اسمعلاوية
وطبعا مدونتك - بعد إذنك- هتبقي محطة ليا في كل زيارة إن شاء الله
نيجي بقي للموضوع
انا ولله الحمد بعيد عن الافلام وعن المسلسلات والاغاني وكل السموم ديه زي ما انتي سمتهيا واصبتي في تسميتها
هي فعلا سموم
وتامر (اللي هرب من الجيش) عاوز يتجوز واحدة متدينة
اولا ايه هي صفات المتدينة اللي عاوزها تامر ؟؟
وهل لو في بنت متدينة صحيح هتوافق انها تتجوز تامر؟؟
بجد يعني جملة مستفزة اوي
عموما المفروض اننا منلتفتش لكلامهم عشان هما بالنسبة لينا مش القدوة اللي هنسمع كلامهم
رحم الله شوقي حين قال
برز الثعلب يوما في ثياب الواعظين
ومشي في الارض يهدي ويسب الماكرين
رجاء منك يا اخت مي تشيلي الصورة لما بيها من منظر قد يفسد نقاء بلورتك الجميلة
معلش دخلت واخدت راحتي ولا كأني في مدونتي...استحمليني بقي انا مصدقت لقيت بالصدفة حد من بلدي
سلام
نفس رائيي
بس كده
ربنا يهدي البنات دول
إرسال تعليق