اتحجبتى....برافووو عليكى

و أنا بقلب فى قنوات التلفزيون... و صدفة كده لقيت قناة ميلودى أغانى بتذيع أغنية حلوة جدا و هادفة - على غير
العادة- , و
الأغنية اسمها "اتحجبتى برافو عليكى" للمطرب " حسام حاج" والكليب بتاع الأغنية رائع جدا و فكرته عجبتنى
الفكرة ببساطة بتصور مراحل اقتناع و ارتداء فتاة للحجاب
بصراحة بقى الأغنية فكلاتنى بصديقتى " ى" اللى خلعت الحجاب عشان تشتغل شغلانة بتتطلب خلع الحجاب
و هى و ظيفة " مضيفة جوية" و بصراحة لما "ي" خلعت الحجاب انقسمنا لقسمين: القسم الأول
قسم حانق وزعلان عشان خلعت وتخلت عن الحجاب
و قسم تانى ويمكن القسم ده أكتر من اللى قبله
و القسم ده مؤيد و متعاطف و بيبرر الموضوع بمقولة ان الوظيفة دى لقطة وما تتعوضش و تستحق التضحية
بأى كان و بعدين و على حد تعبير القسم الثانى: " الضرورات تبيح المحظورات" .... المهم
ما بين مؤيد ومعارض
لقيت نفسى بفكر, وبغض النظر عن كافة الأقاويل, هل لو أتيح ليا انى أكون مكانها , واتعرضت عليا
الوظيفة دى... هل كنت هرضى أخلع الحجاب؟؟
ولا كنت هرفض التخلى عن الحجاب و أتمسك به؟
هو برده بغض النظر عن موافقة الأهل أو رفضهم للفكرة
أنا أعتقد والله أعلم انى كنت هرفض
لأن العمل ده مش ضرورة من أساسه عشان تبيح المحظور
يعنى الواحد مش هيموت من الجوع لو ماشتغلش الشغلانة دى
و أكيد فيه فيه فرص و بدائل تانية من غير مانغضب ربنا, ولو حتى مافيش الدين
بيقول: " ومن يتق الله يجعل له مخرجا"
>>>>>>>>>>>>>>>>>>>>>>>>>>>>>>>>>>>>>

هناك 13 تعليقًا:

الراقـــص مع الذئـــــاب يقول...

السلام عليكم
جزاكي الله خيرا علي موضوعك وعلي تفكيرك وقرارك
والشغل اللي جه لصاحبتك (ي) كان مجرد اختابر من الله عز وجل وهل هي هتتمسك بحجبها والا مع او مطب هتقع وتسلم

المدونة جميلة اتمني لكي التوفيق

علي فكرة انا كمان من اسماعيلية
(:

سلام

M A K I يقول...

الراقص مع الذئاب
أهلا وسهلا بيك فى مكان من القلب
أنا كنت خلاص هفقد الأمل ان حد يزور المكان
و أهلا بيك يا بلدياتى وشكرا انك رجعتلى الأمل بزيارتك للمدونة
و كمان أنا سعيدة ان الموضوع عجبك
و أنا معاك فى ان الشغل كان اختبار من الله
شكرا على زيارتك و اللى بأتمنى انك تكررها

ياسر شمس الدين يقول...

صح من يتق الله يجعل له مخرجا ويرزقه
بس
قولى لصاحبتك مش عشان دنيا تبيع اخرة مش عشان شغل وتعب تسيب راحة وجنة
ربنا يهدينا ويهديها
اكيد هى نفسيتها تعبانة
من خلع الحجاب الا لو كان حجاب بوكسر زى بتاع اليومين دول يعنى لو كان حجاب نص كم يبقى تخلعة احسن

ياسر شمس الدين يقول...

انتى كلية السن وعين شمس
فكرتينى بايام جميلة
ايام السلم بتاع كلية الالسن
وشارع الضباب وشباب تجارة اللى مترمى فى السن على اساس ان تجارة مكان بيئه وفكرتنى بسمر ورباب وعبد السلام ديه ناس انتى ما تعرفيهاش بس عايز اقولك انى اجمل ايام الواحد كان بيقضيها على السلم الاولانى هههههههههه
بتاع السن
تحياتى

gohayna يقول...

انا اول مره اجي عندك

واكيد مش الخيره

مدونتك جميله
وموضوعك اختبار لكل حد فينا

هيتميسكولا يسيب وبييع؟


ربنا يجازيكي الف خير يا قمر

تحياتي وكل عيدوانتي بالف خير

M A K I يقول...

أهلا ياسر


صاحبتى فعلا نفسيتها تعبانة
بس
البطالة وحشة
اسألنى أنا
على فكرة يا ياسر انت اللي فكرتنى
بالكلية والسلالم والدور الثالث
اللى هو دور الايطالى و الأسبانى
ياااااااه
كانت أحلى أيام والله

M A K I يقول...

GOHYNA\


انتى اللى أهلا بيكى و فعلا نورتى مدونتى المتواضعة
و الحمد لله ان المدونة عجبتك

klmat يقول...

انا اول مرد ادخل المدونه
وان شاء الله تتكرر بعد اذنك
لقيتك من كتابتك ملتزمه
وبتقدسى الأحترام لأنى مريت
على اكتر من بوست وان شاء الله
اقرأها كلها بالأضافه لأسلوبك الجميل
عجبنى اوى بوست مريم
كل سنه وانت طيبه واسرتك
بخير ياااارب
تحياتى وسلامى

Vague يقول...

مش عارف ان البنات ليه بيترددو اصلا في لبس الحجاب؟؟
مش ده امر من الله عز وجل؟؟
يبقى مفيش حاجة اسمها اقنعني بالحجاب
ومن رحمة الاسلام بينا انه بيقنعنا برضه

Unknown يقول...

Good luck..and May God bless you

M A K I يقول...

klmat


متشكرة جدا
كلماتك الرقيقة دى بتخلينى أفرح ونفس الوقت أشعر بالذنب لأنى ماكتبتش من زمان.....
بس صدقنى الكلام الحلو ده ادانى دلوقتى دافع قوى للكتابة
و نورت المدونة.

M A K I يقول...

Vague :
أنا ملاحظة ان البنى آدم بيحاول يبرر لنفسه المعصية بأي شكل
حتى لو ماكنتش حجة مقنعة زى اللى بيقولوا مفيش نص صريح ف القرآن يأكد ان الحجاب فرض!!!!!
و عموما دى حجة واهية جدا جدا
و يا ريت نعرف دينا كويس
Vagueو شكرا على تعليقك يا

M A K I يقول...

abdelmoaty
شكرا شكرا
وربنا يحفظ الجميع